വൃന്ദാവനത്തിലെ ചന്ദ്രികയാണവള്‍
ചന്ദ്രകാന്തക്കല്ലിന്‍ പ്രഭയുള്ളവള്‍
സിന്ദൂരമേഖങ്ങളന്തിനേരത്തെന
ചെന്താമരക്കൊരു താലി തീര്‍ത്തു
പൌര്‍ണ്ണമിചന്ദ്രനെ നെഞ്ചിലൊളിപ്പിച്ച
വിണ്ണിന്റെ നക്ഷത്രറാണി തന്നെ
തെന്നലിളകുമ്പോള്‍ നിന്മുഖം കാണുമ്പോള്‍
ചെന്താമരക്കുളം എന്‍ ഹൃദയം
കണ്ണിണയാലെന്റെ കരളു കവര്‍ന്നൊരീ
കാമിനീ നീയെന്റെ വെണ്‍ ചെരാത്
നക്ഷത്രമാലകള്‍ തോരണം തൂക്കി...യ
പൊന്‍‌നിലാവിന്‍ തങ്ക ദീപാഞ്ജ‌ലി
അനുവാദമില്ലാതെ ഏകനായ് വന്നു ഞാന്‍
അനുരാഗപരവശനായി നിന്നൂ
പ്രണയിനീ നീയെന്നിലെന്നലിയും സഖീ
പ്രാണപ്രിയേ നിന്നെ കാത്തുനില്‍പ്പൂ
